Welche Erwartungen hat das Kader der Jfw an den Tag?

Werlen Melanie:

Ich wünsche miär, dass dr Zämähalt unner de Jugendliche gstärkt wird. Äs wäri schön, we schich scho hie Freundschafte bildä, wa es ganzes Firwehrläbä heind.

Roten Melanie:

Da alli Jugendliche vam Oberwallis in gmischte Gruppe gägänand aträte, erhoff ich mier, dass dadurch ö die veschiedene Gmeinde üf en Art verbunde wärdä. Die Kameradschafte va de Jugendliche und va de Leiter sowie va alle Firwehr-Aghörige soll pflegt wärde.

Clausen Volker:

Ich erwarte miär va dem Tag, dass miär als Leiter en güete Üstüsch hei und va enand chenne lerä, dass ö d Jugendliche en güete Üstüsch und vill Spass hei, vill chenne lerä und fer die grosse Firwehre motiviert wärde. Der Jfw Tag soll alle Spiel und Spass ini Firwehr bringe und züedem Gschicklichkeit fer der Alltag lieferä.

Lagger Arnold:

Mini Erwartige ane Tag sind, dass die Junge ihre Spass hei und äppis chennä lerä. Aber vor allem Spass und die Kameradschaft sellend im Vordergrund si.

Marx Michael:

Ich erwarte en unfallfrije Tag, wele die Kameradschaft pflegt. Üf es güets Glinge.

Walden Marius:

Das es en erfolgriche und unfallfrije Tag git. Er soll unerhaltsam si, lehrrich und die Verpflegig müess stimme. Das alli am Abe zfriede chenne hei gah und dass die Jugendliche der Tag in güeter Erinnerig wärdä bhalte.

Walpen Hans:

Ich erhoffe mier, dass es fer alli Teilnähmer äppis derbie het und dass alli va dem Tag chenne profitiere, egal ob chli, gross oder Züeschauer. Und vorallem ö, dass Bevölkerig gseht, was de Ju-gendliche im Zämähang mit der Firwehr cha abote wärdä. Ich wünsche alle en unterhaltsamä und unfallfrjie Tag bi insch im Goms.